Beltestakk A98 med brodert liv

Beltestakk A98 frå Aust-Telemark med brodert liv vart rekonstruert av Tone Huus for Heimen i 1998. Han har naturkvitt liv med detaljrikt tett broderi i friske fargar Stakken er vid med fløyelskant nede på stakken og silkeband på forkle. Her er forkleband og belte i frisk rosa og raude tonar som står til livet. Det er eige forkle til denne beltestakken, og belte og skjorte er fastsett. Beltestakken A98 kan leverast som materialpakke.

For valfridom i høve til materialar og fargar – sjå Beltestakk A82.

Kontakt oss

Detaljer

  • Stakk og liv

    Livet er naturkvitt og vert brodert gjennom to lag stoff med svart broderte kantar. Stakken er i toskafta bunadty med eit breitt hjul nede, trekt med svart og grøn fløyel.

  • Forkle

    Forkle er i lasting med band i raud/rosa tonar og knyteband i livet med rosa/lilla tonar.

  • Belte

    Belte til beltestakken med brodert liv er i rosa og oransje med innslag av svart.

  • Skjorte

    Det er utarbeidd ei eiga skjorte til denne beltestakken med fleirfarga korsstingsbroderi.

  • Hovudplagg

    Brikkevevd vippe eller silkeskaut/silketørkle.

  • Ytterplagg

    Det er to jakker å velje mellom til beltestakken. Den eine har et stort broderi nede på armane og noko broderi langs kanten i burgunder tonar eller grøne tonar. Den andre har fløyelskantar med raud saum innanfor langs alle kantar.

  • Strømper

    I tillegg til vanleg svarte strømper, kan ein bruke broderte vadmelsokkar med to ulike broderi.

  • Sko

    Svarte bunadsko, bunadstøvlett eller dufsesko frå Telemark.

  • Sølv

    Sølv frå Telemark, både forgylt og oksidert.