Masfjord herrebunad
Mannsbunad frå Masfjord har ein raud vest med eit grønt stykke felt inn framme som kan gi ein illusjon av to vestar. Buksa er kort og svart og jakka er svart med grøne tittekantar og detaljar. Det er eit utval av tilbehør til bunaden.
Bunaden har røter i draktskikken i området frå 1800-talet, og vore i produksjon sidan tidleg på 1900-talet.
Masfjordbunad kan også leverast til gut.
Bunadsområde:
Masfjord (Hordaland)
Detaljar
Jakke og bukse
Jakka og buksa blir sydd i svart klede med grøne tittekantar.
Vest
Dobbeltspent vest med ståkrage i raudt klede med innfelling av grønt klede i front. Ryggen er i ubleika bomullslerret. Kragen har broderte stikningar i grønt og gult. Det er to sidelommer der klaffen er kanta med grøne ullband.
Skjorte
Kvit bomullsskjorte utan broderi
Strømper
Kvite mønsterstrikka strømper, kan fåast både handstrikka og maskinstrikka
Sko
Svarte bunadsko
Sølv
Halsknapp og mansjettknappar i tillegg til knappane som blir sydd på bunaden
Anna tilbehør
Hatt og skjerf er valfritt, medan hoseband og bukseselar ofte er naudsynte for å halde bukse og strømper oppe
