Klesdesignar Ingunn Birkeland, kjend for å skape eksklusive kjolar for den raude løparen, har heilt sidan barndommen hatt strikketøyet som favoritt-fritidssyssel.

Endeleg kjem hennar vakre design ut i bokform! Ei vakker, fargerik og inspirerande strikkebok! Alle foto: Knut Bry.

I høve boksigneringa har vi ei stor utstilling av Ingunn Birkeland sitt nye strikkedesign og mange flotte pledd frå Røros Tweed i hennar design «CITY».

Velkommen innom butikken vår på Glasmagasinet for å få boka «Ingunn Birkeland Strikker» signert av forfattaren sjølv.

I boka finn du 29 oppskrifter – skattar frå arkivet og heilt nye design, for både vaksne og barn. Fargeuniverset er nøye samansett og balanserer mellom djupe og lyse, kalde og varme tonar. Til alle oppskriftene finst det fleire fargekombinasjonar å velje mellom.

Alle plagg er strikka i Rauma-garn og spenner frå ulike ulltypar til sommarlege bomullsvariantar. I tillegg til det karakteristiske rutemønsteret «CITY» i alle regnbogens fargar finn du også oppskrifter på enkle, einsfarga og stripete plagg – som jakker, kjolar, genserar, luer og skjerf. Vanskegraden på oppskriftene varierer, og det finst noko for ein kvar smak og tålmodigheit!

La deg inspirere av alle fargane i «Ingunn Birkeland Strikker»  – hos oss kan du velje i vårt store Raumagarn-sortiment.

 

Ingunn Birkeland (f. 1979) er utdanna klesdesignar ved Statens håndverks- og kunstindustriskole (nå KHiO), og har hovudfag (MA) i klær og kostymer.

Ho har gjort seg bemerka med iaugefallande kjolar designa for norske kulturpersonar, og fleire av arbeida hennar er kjøpt inn av norske museum. Ho er også kjend for rutemønsteret ho har utvikla som ein vevteknikk og overført til ulike produkt som for eksempel ullpledd for Røros Tweed.

Ingunn har erfaring frå maskinstrikk, men kjærleiken til handstrikk er størst. Ho er opptatt av at ein gjennom å strikke sjølv får kjennskap til prosessen som ligg bak eit plagg. Dette kan inspirere til å setje meir pris på – og ta betre vare på – kleda, og i tillegg gi ein meir berekraftig og fargerik garderobe som det er grunn til å vere stolt av.

Velkommen til signering av boka «Ingunn Birkeland Strikker» torsdag 17. feb. kl 16 – 18!