Sunnmøre herrebunad
Sunnmøre herrebunad P26 har mange fellestrekk med andre bunader som blei tatt i bruk på tidleg 1900-tal. Bunaden har svart jakke med oppståande krage og nedbretta slag. Den burgunderraude vesten er dobbeltspent og utan krage. Det blir brukt svarte knebukser til bunaden.
Bunadsområde: Sunnmøre (Møre og Romsdal).
Stikkord: Herrebunad, mannsbunad, bunad.
Detaljar
Jakke og bukse
Jakke og bukse blir laga av svart vadmel eller klede.
Vest
Vesten er i burgunder bunadty.
Skjorte
Kvit bomullsskjorte.
Strømper
Kvite med mønsterstrikk eller mønsterstrikka i svart og kvit.
Sko
Svarte bunadsko.
Sølv
Sunnmørssølv. Sjå under.
Anna tilbehør
Det er lansert ei raud, strikka topplue til bunaden. Hoseband og bukseselar er ofte nødvendig for å halde bukse og strømper oppe.
Historie
Jakka er frå stilen på slutten av 1800-talet. Bunaden blei først utarbeidd på starten av 1900-talet, og er opphavleg frå Stranda. Bunaden blei først teken i bruk i 1920-åra.
