Fana herrebunad, 8-bladsrose
Den første mannsbunaden kom i bruk allereie rundt 1900. Utgangspunktet var Laksatrøya, men frå rundt 1925 kom Flasketrøya.
På 1970-talet blei meir av den tradisjonelle draktskikken i området tatt opp igjen, og det har gitt den utsjånaden som bunaden har i dag. Fana har halde fram tradisjonen med å bruke to vestar utanpå kvarandre.
Det finns no ulike variantar av broderia på vestane og buksa.
Bunadsområde: Fana, Bergen.
Stikkord: Herrebunad, mannsbunad.
Detaljar
Jakke og bukse
Lang, open jakke med ståkrage og slag i svart klede eller svart vadmel. Dekorert med raude bise.
Knebukse med lukeopning i svart klede eller svart vadmel.
Vest
Dobbeltspent vest utan krage og slag i raudt klede. Ryggen er i ubleikt bomullslerret. På lommeklaffane er det broderte åttebladsroser.
Open vest med ståkrage i svart klede. Ryggen er fôra med ubleikt bomullslerret. Kragen er høg med svarte stikningar.Det er broderte åttebladsroser på lommeklaffane og broderi langs forkanten.
Den svarte vesten skal vere utanpå den raude.
Skjorte
Brodert kvit skjorte i bomull, eller kvit skjorte i bomull eller lin utan broderi.
Strømper
Kvite mønsterstrikka strømper, kan fåast både handstrikka og maskinstrikka.
Sko
Svarte bunadsko.
Sølv
Halsknapp og mansjettknappar i tillegg til knappane som blir sydd på bunaden.
Anna tilbehør
Hatt og skjerf er valfritt, medan hoseband og bukseselar ofte er naudsynte for å halde bukse og strømper oppe.
