Hvalerdrakt herre
Hvalerdrakta har svart bukse og jakke i 100 % svart ulldrapé. Vestestoffet er i tre hovudfargar – blått, lilla og grått i 100 % silke. Alle har svart som basisfarge. Silkestoffet er jaquardvove slik at begge sider er like fine, men det blir motsette fargar – f.eks. blå botnfarge med svart mønster eller svart botnfarge med blått mønster. Dermed blir det seks variantar (sjå under).
Bunadsområde: Hvaler, Østfold.
Stikkord: Herrebunad, mannsbunad, herredrakt, mannsdrakt.
Detaljar
Jakke og bukse
Stoff i jakke og bukse er i ein 100 % ulldrapé som er behageleg å ha på seg. Jakka har svart, glatt fôr i 100 % viskose.
Vest
Vestestoffet er vove av spesialfarga garn i tre hovudfargar – blått, lilla og grått i 100 % silke. Alle har svart som basisfarge. Silkestoffet er jaquardvove slik at begge sider er like fine, men det blir motsette fargar – f.eks. blå botnfarge med svart mønster eller svart botnfarge med blått mønster. Dermed blir det seks variantar. Mønsteret er ein bølgjande sildestim.
Skjorte
Skjorta er kvit i 100 % bomull.
Skjorta er utan broderi, då inspirasjonskjeldene til mannsdrakta ikkje hadde det. Halslinningen kan om ønskjeleg pressast ned i kvart hjørne til ein «knekk».
Sko
Svarte bunadsko. Det er utarbeidd skospenner i sølv til bunaden.
Hovudplagg
Svart skyggeluve/kasjettluve eller svart bunadshatt med flat eller rund pull.
Sølv
Det er eigendesigna sølv som består av bl.a. halsnål, mansjettknappar og knappar til vest og jakke. I tillegg er det, om ønskjeleg, ekstra sølv: Vestespenne, beltespenne, skospenner, ring og «vindlenke». Det siste er ei lenke som kan brukast til å halde jakka saman i motvind, i tillegg til å vere dekorativ. Sølvet er komponert omkring båtmotivet, som også finst i kommunevåpenet for Hvaler.
Produsent av sølvet er Edelmetallstøperiet i Fredrikstad.Idé og design av Hvalerdraktsølvet: Ingun Hovden Christensen.
Anna tilbehør
Halstørkle i 100 % silke knytast utanpå halslinningen.
Belte eller bukseselar kan ofte vere naudsynt.
Historie
Hvalers mannsdrakt som ble lansert i 2016. Det var Ingun Hovden Christensen som hadde ide og design til en mannsdrakt for Hvaler med eget tilhørende sølv og egendesignet vevd vestestoff i silke. Ønsket var å skape ei drakt som ein kunne bruke som andre bunader som kunne gi felles identitet for dei som kjende tilknyting til Hvaler. Dermed preges bunaden først og fremst av det maritime – som den øykommunen Hvaler er!
1. juni 2023 overtok Heimen Husfliden i Oslo eineretten til og ansvaret for Hvalerdraktene og Hvalerdraktsølvet.
