Stakk og liv

Aust-Telemarksbunad (A32) med Lekjabord har brodert liv, ein smal, brodert kant nede på stakken og eit forkle med brei brodert bord.

Typisk for Aust-Telemarksbunaden er det breie beltet som finst i fleire fargevariasjonar.

Ein kan velje svart eller blått stoff i stakken, mens livet er alltid raudt. Stakk og liv kjem i toskaft (eit tett og robust ullstoff).

Forkle

Forkleet er i same stoff og farge som stakken.

Skjorte

Det er utarbeidd fem forskjellige broderte linskjorter til Aust-Telemarksbunaden med Lekjabord.

Ytterplagg

Raud jakke med broderi, kjem med to forskjellige broderi.

Belte

Det brikkevevde beltet til Aust-Telemark er handlaga og kjem i fleire fargekombinasjonar.

Hovudplagg

Brikkevevd vippe eller silkeskaut/silketørkle.

Strømper

Svarte.

Sko

Svarte bunadsko.

Sølv

Sølv frå Telemark, både forgylt og oksidert. Sjå under.

Histore

Heimen utarbeidde denne bunaden i 1932. Utgangspunktet for livet er plansje nr. X111 i boka «Søm i Norske Bygder». Broderimønsteret på forkle er frå Bø i Telemark frå ca. 1850-åra.

Forkle til bunaden ble kopiert for Heimen frå eit gamalt Aust-Telemarks forkle i privat eige.