Beltestakk A98 frå Aust-Telemark med eit kvitt brodert liv vart rekonstruert av Tone Huus for Heimen i 1998.
Originalen til det broderte livet er innkjøpt av Folkemuseet ca 1890.
Han har naturkvitt liv med detaljrikt tett broderi i friske fargar Stakken er vid med fløyelskant nede på stakken og silkeband på forkle. Her er forkleband og belte i frisk rosa og raude tonar som står til livet. Det er eige forkle til denne beltestakken, og belte og skjorte er fastsett.
Ønskjer du større valfridom i høve til materialar og fargar – sjå Beltestakk A82.
Livet er naturkvitt og vert brodert gjennom to lag stoff med svart broderte kantar. Stakken er i toskafta bunadty med eit breitt hjul nede, trekt med svart og grøn fløyel.
Forkle er i lasting med band i raud/rosa tonar og knyteband i livet med rosa/lilla tonar.
Belte til beltestakken med brodert liv er i rosa og oransje med innslag av svart.
Det er utarbeidd ei eiga skjorte til denne beltestakken med fleirfarga korsstingsbroderi. Heimen Husfliden har også eit stort utval av silkeskjorter og bomullskjorter i månge fargar og mønstre.
Brikkevevd vippe eller silkeskaut/silketørkle.
Det er to jakker å velje mellom til beltestakken. Den eine har et stort broderi nede på armane og noko broderi langs kanten i burgunder tonar eller grøne tonar. Den andre har fløyelskantar med raud saum innanfor langs alle kantar.
I tillegg til vanleg svarte strømper, kan ein bruke broderte vadmelsokkar med to ulike broderi.
Svarte bunadsko, bunadstøvlett eller dufsesko frå Telemark.
Sølv frå Telemark, både forgylt og oksidert.
