Follobunaden har ein stor brodert bord nede på stakken. Alt broderiet er kvitt med store blomstrar og blad i ei detaljrik samansetjing. Livet er formsydd i damask med tittekantar i ein kontrastfarge. Stakken kan ein velje i to ulike fargar, og livet kjem i tre ulike fargar.

Follobunaden som vi kjenner den i dag, er det andre utkastet gjort av ein bunadkomité sett ned i Follo i 1954. I spissen for komiteen var Fanny Aschim med bistand frå Borghild Tranum Røer. Den første varianten hadde raudt damaskliv med brun og turkis ruta stakk. Follobunaden med broderi blei ferdigstilt i 1963. Grunnlaget for broderia var ei gammal brudekåpe/cape frå Herrefosser i Rakkestad. Broderiet kom til Follo ved eit giftarmål og er dermed blitt opphavet til broderiet på Follobunaden.

Stikkord: Follo, Akershus, damebunad, kvinnebunad.