Damask-kjol frå Gudbrandsdalen har utgangspunkt i dei såkalla livkjolane som var i tradisjonell bruk frå ca. 1830 og framover. Før denne tida var stakk og liv to åtskilde plagg. Denne bunaden blir som oftast levert med stakk i svart ulldamask og med fastsydd liv i brokade.

Fasongen på livet liknar på dei gamle liva, livet har relativt smale selar og djup ringing framme, lukka med skjulte hekter framme på livet, spong framme med splitt i venstre side i overgangen mellom livet og stakken. Stakken har ein brei midtfold midt bak og er foldelagt bakover. Dersom ein ønskjer veske er det mest vanleg å sy denne i samme stoff eller farge som stakken.

Grønt stoff er ute av produksjon, vi har raudt, blått, krem og gul.

Dette er ein bunad utan broderi, men til gjengjeld er det eit stort utval av stoff og fargar å velje blant. Damask-kjol blir med dette personleg og unik ved at ein kan setje saman fargar etter eigne ønske og behov.