Nordmøre

Nordmøre Ungdomslag har rekonstruert mannsbunaden, med god hjelp frå enkeltpersonar og andre lag på Nordmøre. Bunaden bygger på draktmateriale frå første halvdel av 1800-talet. I tillegg til dei ulike plagga som er funne på Nordmøre, har gamle skrivne og fotografiske kilder vore til nytte under arbeidet med rekonstruksjonen. Bunad- og folkedraktrådet konkluderte med at alle delane på bunaden var svært godt kopiert frå dei gamle originalplagga.

Til Nordmørsbunaden er det bronseknappar.

Detaljar

Jakke

Open jakke med ståkrage og slag i blå vadmel. Ryggen er lengre enn det jakka er framme.

Bukse

Ein kan velje mellom knebukse og lang bukse med lukeopning i blå vadmel.

Vest

Dobbeltspent raud vest med ståkrage og slag i vadmel eller raud/kvit ulldamask. Baskerlin i rygg.

Skjorte

Brodert kvit skjorte i lin eller kvit skjorte i bomull og lin utan broderi.

Strømper

Kvite mønsterstrikka strømper. Fåast både handstrikka og maskinstrikka.

Sko

Svarte bunadsko.

Sølv

Det er eige sølv til bunaden.

Anna tilbehør

Det er vanleg å bruke hatt og skjerf til bunaden, og hoseband og bukseselar er ofte nødvendige for å halde bukse og strømper oppe. Under lukeopninga på buksa blir det festa eit svart belte der også bunadskniven blir festa.

554040 – Sølje, oksidert
554007 – Mansjettknappar, oval
554008 – Mansjettknappar, rund
554042 – Mansjettknappar, herre
360100 – Bunadskniv Ola
335100 – Klokkekjede, oksidert