Liv og stakk

Liv og stakk er i klede av ull og har same farge på vest og stakk. Vesten har ullband rundt ermehol og rundt halsopning. Vesten er fôra med baskerduk.

Belte har gult ullband med raudt mønster, same band som er sydd fast nede på skjørtet, blir brukt som belte. Ei sølvspenne er lås.

Veska er pynta med rosemålingsmønster og laga i same materiale som stakken. Rundt kanten av veska er det sydd fast ein bise.

Nedst på skjørtet er det ei raud tvinna ullsnor og ein innfelt grøn kant. Ei bandbreidde opp er det sydd på eit ullband med gult og raudt mønster.

Skjorte

Kvit skjorte i lin med handbroderi på krage, bringelist og mansjettar.

Hovudplagg

Lua har lik brodering som veska bak og som kantene på capet. Den er laga i same ullstoff som stakken og har kanting av same materialet rundt lua.

Ytterplagg

Cape med same broderi motiv som lue og veske er ytterplagg.

Capen har ståkrage og er laga i same ullklede som stakken.

Den er fôra med bomullsstoff i same farge. Oppe på skuldra er det broderi likt det som er rundt kanten på lua.

Strømper

Til denne bunaden høyrer det kvite strømper.

Sko

Til denne bunaden høyrer det svarte bunadsko.