I produksjonsavdelinga vår i Arbeidergata 1 i Oslo arbeider 11 tilsette på sy- og teiknestova med å produsere bunader.

Her blir bunadproduksjonen følgja frå start til slutt med måltaking, påteikning og klipping, til saum, tilpassing og montering.

Dei tilsette har svennebrev innanfor felt som bunadtilverking, tilskjering, kjole- og draktsaum, herre- og dameskreddarfaget, konfeksjonsteknikk og tekstilformgiving.

Systova vår tilbyr også rettinger og omsaum av bunader. Bunaden må vere rensa før den blir levert inn til omsaum. Kontakt oss på e-post for avtale.

Ønskjer du å sy bunaden eller bunadskjorta di sjølv, lager vi materialpakkar til ei rekke av landets bunader og bunadskjorter. Ta gjerne kontakt med oss på Teiknestova@heimenhusfliden.no for å finne ut om vi har materialpakke til din bunad eller bunadskjorte.

Ein bunad er eit staseleg praktplagg, så brodering og saum av materialpakkane våre krev at du har gode broderings- og saumkunnskapar.